(ก) อนุโลมํ
[12] (ก) จกฺขุ จกฺขายตนนฺติ?
ทิพฺพจกฺขุ ปญฺญาจกฺขุ จกฺขุ, น จกฺขายตนํฯ จกฺขายตนํ จกฺขุ เจว จกฺขายตนญฺจ…เป.…ฯ
(ข) อายตนา โสตายตนนฺติ?
โสตายตนํ อายตนญฺเจว โสตายตนญฺจฯ อวเสสา อายตนา น โสตายตนํฯ
จกฺขุ จกฺขายตนนฺติ?
ทิพฺพจกฺขุ ปญฺญาจกฺขุ จกฺขุ, น จกฺขายตนํฯ จกฺขายตนํ จกฺขุ เจว จกฺขายตนญฺจ…เป.…ฯ
อายตนา ฆานายตนนฺติ…เป.… อายตนา ธมฺมายตนนฺติ?
ธมฺมายตนํ อายตนญฺเจว ธมฺมายตนญฺจฯ อวเสสา อายตนา น ธมฺมายตนํฯ
โสตํ โสตายตนนฺติ?…เป.… อวเสสา อายตนา น ธมฺมายตนํ…เป.…ฯ
ธมฺโม ธมฺมายตนนฺติ?
ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจ…เป.…ฯ
อายตนา จกฺขายตนนฺติ?
จกฺขายตนํ อายตนญฺเจว จกฺขายตนญฺจฯ อวเสสา อายตนา น จกฺขายตนํฯ
ธมฺโม ธมฺมายตนนฺติ?
ธมฺมายตนํ ฐเปตฺวา อวเสโส ธมฺโม, น ธมฺมายตนํฯ ธมฺมายตนํ ธมฺโม เจว ธมฺมายตนญฺจฯ
อายตนา โสตายตนนฺติ…เป.… อายตนา มนายตนนฺติ?
มนายตนํ อายตนญฺเจว มนายตนญฺจฯ อวเสสา อายตนา น มนายตนํฯ
(เอเกกปทมูลกํ จกฺกํ พนฺธิตพฺพํ อสมฺโมหนฺเตน)ฯ
(ข) ปจฺจนีกํ
[13] (ก) น จกฺขุ น จกฺขายตนนฺติ? อามนฺตาฯ
(ข) นายตนา น โสตายนนฺติ? อามนฺตาฯ
(ก) น จกฺขุ น จกฺขายตนนฺติ? อามนฺตาฯ
(ข) นายตนา น ฆานายตนนฺติ? อามนฺตาฯ…เป.…ฯ
นายตนา น ธมฺมายตนนฺติ? อามนฺตาฯ
น โสตํ น โสตายตนนฺติ? อามนฺตาฯ
นายตนา น จกฺขายตนํ…เป.… นายตนา น ธมฺมายตนนฺติ? อามนฺตาฯ
น ฆานํ น ฆานายตนํ…เป.… นายตนา น ธมฺมายตนนฺติ?
อามนฺตาฯ…เป.…ฯ
(ก) น ธมฺโม น ธมฺมายตนนฺติ? อามนฺตาฯ
(ข) นายตนา น จกฺขายตนนฺติ? อามนฺตาฯ
น ธมฺโม น ธมฺมายตนนฺติ? อามนฺตาฯ
นายตนา น โสตายตนํ…เป.… นายตนา น มนายตนนฺติ? อามนฺตาฯ
(จกฺกํ พนฺธนฺเตน สพฺพตฺถ อามนฺตาติ กาตพฺพํ)ฯ
3. สุทฺธายตนวาโร
(ก) อนุโลมํ
[14] (ก) จกฺขุ อายตนนฺติ? อามนฺตาฯ
(ข) อายตนา จกฺขายตนนฺติ?
จกฺขายตนํ อายตนญฺเจว จกฺขายตนญฺจฯ อวเสสา อายตนา น จกฺขายตนํฯ
โสตํ อายตนนฺติ?
อามนฺตาฯ…เป.… ฆานํ… ชิวฺหา… กาโย… รูปํ… สทฺโท… คนฺโธ… รโส… โผฏฺฐพฺโพ… มโน… ธมฺโม อายตนนฺติ?
อามนฺตาฯ
อายตนา ธมฺมายตนนฺติ?
ธมฺมายตนํ อายตนญฺเจว ธมฺมายตนญฺจฯ อวเสสา อายตนา น ธมฺมายตนํฯ
(ข) ปจฺจนีกํ
[15] (ก) น จกฺขุ นายตนนฺติ?
จกฺขุํ ฐเปตฺวา อวเสสา อายตนา น จกฺขุ, อายตนาฯ จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนาฯ
(ข) นายตนา น จกฺขายตนนฺติ? อามนฺตาฯ
น โสตํ นายตนนฺติ?
โสตํ ฐเปตฺวา…เป.… ฆานํ ฐเปตฺวา…เป.… ชิวฺหํ ฐเปตฺวา…เป.… น จ อายตนาฯ
นายตนา น ชิวฺหายตนนฺติ? อามนฺตาฯ
